రాష్ట్రంపై జగన్ కక్ష కట్టారు : పయ్యావుల

జగన్‌.. రాష్ట్రంపైనా, ప్రజలపైనా కక్ష కట్టారని ఆర్థిక మంత్రి పయ్యావుల కేశవ్ అన్నారు. అధికారం పోయిందనే బాధతో కక్ష తీర్చుకుంటున్నారని అన్నారు.అప్పులు ఇచ్చేవారిని కూడా జగన్ బెదిరిస్తున్నారని పయ్యావుల కేశవ్ తెలిపారు. రుణాల విషయంలో ఉన్నతాధికారులను కూడా జగన్ బెదిరిస్తున్నారని,వైసీపీ పాలనలోని లోపాలను మీకే చెప్పామని పయ్యావుల కేశవ్ తెలిపారు. గతంలో చెప్పిన అబద్ధాలనే జగన్ మళ్లీ ప్రెస్‌మీట్‌లో చెప్పారని, వైసీపీ హయాంలో ఆర్థిక విధ్వంసం జరిగిందని కాగ్ స్పష్టం చేసిందని పయ్యావుల కేశవ్ మీడియా సమావేశంలో తెలిపారు.