Pawan Kalyan : పిఠాపురం వేదికగా పవన్ ప్రసంగంలో ఎవరిని టార్గెట్ చేయనున్నారంటే?

కానీ ఇదే సమయంలో మరో కీలక ప్రకటన కూడా చేయబోతున్నారని కూడా చెబుతున్నారు. రానున్న కాలంలో కార్యకర్తలకు, నేతలకు పదవుల పంపిణీలో న్యాయం జరుగుతుందన్న భరోసాను ఈ సమావేశం ద్వారా ఇవ్వనున్నారని సమాచారం. అలాగే కార్యకర్తలకు, నేతలకు కూడా హెచ్చరికలు వేదికపై నుంచే జారీ చేయనున్నారు. వివాదాల్లో తలదూర్చడం కానీ, మహిళల పట్ల అసభ్యకరంగా వ్యవహరించడం కానీ, అధికారులపై ఆగ్రహం వ్యక్తం చేయడం వంటి వాటిని తాను క్షమించబోనని కూడా వార్నింగ్ ఇవ్వనున్నారు. అలాంటి వారు ఎంతటి వారైనా పార్టీ నుంచి బయటకు పంపుతామని కూడా గట్టిగా పవన్ కల్యాణ్ హెచ్చరించనున్నారని తెలిసింది.

మరొక వైపు కూటమి ప్రభుత్వంలో తమకు ఉన్న పరిమితులను కూడా పవన్ కల్యాణ్ వివరించే అవకాశముంది. నిధులు లేమితో కొంత ఇబ్బందులు పడుతున్నామని, కొంత సమయం తీసుకుని ఇచ్చిన హామీలను అన్నింటినీ అమలు చేస్తామని, దశలవారీగా వాటిని ప్రజలకు చేరువయ్యేలా చేస్తామని ఐదు లక్షల మంది సమక్షంలో పవన్ కల్యాణ్ చెప్పనున్నారు. దీంతో పాటు కూటమి ప్రభుత్వంలో భాగస్వామిగా ఉన్న బీజేపీ కేంద్రంలో అధికారంలో ఉండటం వల్ల కొంత పరిస్థితి అనుకూలంగా మారిందని, లేకుంటే మరింత కష్టాలు పడే వారమని కూడా చెప్పనున్నారు. దీంతో పాటు అనేక రాజకీయ పరిణామాలను ఆయన ప్రస్తావించే అవకాశాలున్నాయని జనసేన కీలక నేత ఒకరు తెలిపారు. పవన్ కల్యాణ్ దాదాపు గంటన్నర సేపు ప్రసంగించనున్నారని తెలిసింది.