పిఠాపురంలో అందుకే పోటీ చేస్తున్నా : పవన్ కల్యాణ్

తాను ఆంధ్రప్రదేశ్ మాత్రమే కాదు తెలంగాణలోనూ ఎన్నికల ప్రచారంలో పాల్గొనాల్సి ఉందని పవన్ కల్యాణ్ తెలిపారు. అందుకు తగిన సమయం కావాలంటే పిఠాపురం మంచిదని పెద్దలు చెప్పడంతో దీనిని ఎంచుకోవడం జరిగిందన్నారు. తన రాజకీయం పిఠాపురం నుంచే ప్రారంభమవుతుందన్న ఆయన రాష్ట్ర అభివృద్ధిని ఇక్కడి నుంచే చేయడానికి తన వంతు ప్రయత్నాన్ని చేస్తానన్నారు. పిఠాపురం తన సొంత ప్రాంతమని, దీని అభివృద్ధికి తాను శాయశక్తులా కృషి చేస్తానని ఆయన అన్నారు. ఈ సందర్భంగా పిఠాపురం నేతలను పేర్లు చదవి ఆయన పరిచయం చేసుకున్నారు.