అమరావతి శంకుస్థాపన ఏర్పాట్లు అదిరిపోతున్నాయ్ గా.. వచ్చే వారి కోసం?

ఒక్కొక్క బస్సులో నూట ఇరవై ఆహారపొట్లాలు, వంద వరకూ అరటిపండ్లు, 120 నీటిసీసాలు, 60 ఓఆర్ఎస్ ప్యాకెట్‌లు, 60 మజ్జిగ ప్యాకెట్లు ఉంటాయి. బస్సులు శుక్రవారం మధ్యాహ్నం 12 గంటలకు సభకు చేరుకునేలా ప్రణాళిక రూపొందించారు. దారిలో అల్పాహారం, సభకు వచ్చే సమయానికి భోజనం చేసి ప్రాంగణంలోకి చేరుకుంటారు. సభ నుంచి ప్రజలు తిరిగి బస్సు వద్దకు వచ్చే సమయానికి రాత్రి డిన్నర్‌కు సంబంధించిన ఆహారం ఆయా బస్సుల వద్దకు చేర్చే బాధ్యత పౌరసరఫరాల శాఖ తీసుకుంది.కిచిడి, చట్నీతోపాటు ఒక ఆరెంజ్ పండు అందరికీ అందిస్తారు. తిరుగు ప్రయాణంలో దారిలోనే డిన్నర్‌ ముగించుకుని ఇంటికి చేరుకుంటారు.

ఎండలు ఎక్కువగా ఉండటంతో రాజధాని శంకుస్థాపనకు వచ్చిన వారు ఇబ్బందులు పడకుండా అన్ని రకాలుగా జాగ్రత్తలు తీసుకుంటున్నారు. మార్గమధ్యంలో ఉన్న ఆరోగ్యకేంద్రాలు, ప్రభుత్వాసుపత్రుల్లో సిబ్బంది అందుబాటులో ఉండేలా చూస్తున్నారు. సభాప్రాంగణంలో ప్రతి గ్యాలరీలోనూ ఆరుగురితో కూడిన వైద్య బృందం ఉంటుంది. ఎవరైనా అస్వస్థతకు గురైతే ఎక్కడికి తరలించాలో గ్యాలరీ ఇన్ ఛార్జి అధికారి సమన్వయం చేసు కోవాల్సి ఉంటుంది. వచ్చిన వారు తిరిగి తమ ఇళ్లకు సురక్షితంగా చేరుకునేలా దగ్గరుండి ఇన్ ఛార్జులు బాధ్యత తీసుకోవాల్సి ఉంటుంది.