కరకట్ట ఇల్లు అక్రమాలకు అడ్డా

చంద్రబాబు తన ఉంటున్న ఇంటికి అద్దె చెల్లించకుండా ప్రభుత్వం నుంచి మాత్రం ఇంటి అలవెన్సును పొందుతున్నారని సజ్జల రామకృష్ణారెడ్డి ఆరోపించారు. లింగమనేని రమేష్ ఉచితంగా చంద్రబాబుకు ఆ ఇల్లు ఎందుకు ఇచ్చారని ప్రశ్నించారు. అమరావతిలోని భూములను సొంతం చేసుకునేందుకే లింగమనేని చంద్రబాబుకు ఈ గెస్ట్‌హౌస్ ఉండేందుకు ఇచ్చారన్నారు. ఉచితంగా ఎందుకుంటున్నారని ఆయన ప్రజలకు సమాధానం చెప్పాలన్నారు. జగన్ కక్ష సాధింపు చర్యలకు దిగడం లేదని, చట్ట ప్రకారమే నడుచుకుంటున్నారని సజ్జల రామకృష్ణారెడ్డి అన్నారు.