రెచ్చగొట్టేలా రైతుల యాత్ర .. కొడాలి నాని ఫైర్

రైతుల మహాపాదయాత్ర రెచ్చగొట్టే విధంగా కొనసాగుతుందని మాజీ మంత్రి కొడాలి నాని అన్నారు. రోజుకు పదిహేను కిలోమీటర్లు నడుస్తూ రాష్ట్రమంతా మెలికలు తిరుగుతూ వెళుతున్నారన్నారు. వెనకబడిన ఉత్తరాంధ్రకు న్యాయం చేయాలని పరిపాలన రాజధాని చేయాలని చూస్తుంటే అడ్డుపడుతున్నారన్నారు. రైతుల ముసుగులో కృత్రిమ ఉద్యమం నడుపుతున్నారని కొడాలి నాని ఆరోపించారు. 32 రోజులు 130 కిలోమీటర్లు ప్రయాణించారన్నారు. జగన్ ప్రభుత్వాన్ని తిట్టుకుంటూ పాదయాత్ర చేస్తున్నారన్నారు. విశాఖ ప్రాంతలో రెచ్చగొట్టేలా వ్యవహరిస్తున్నారన్నారు. రుషికొండలో నిర్మాణం చేసేది ప్రభుత్వ కార్యాలయాలని, దానికి ఇంత రాద్ధాంతం చేస్తున్నారన్నారు. గుడివాడలో కొడాలి నాని మీడియాతో మాట్లాడారు.