Cyclone : దూసుకొస్తున్న ద్వితా తుపాను.. ఈ జిల్లాల వారికి హై అలెర్ట్

అయితే దిత్వా తుపాను ప్రభావంతో కోస్తాంధ్ర, రాయలసీమలో నేడు, రేపు భారీ వర్షాలు పడే అవకాశముందని విశాఖ వాతావరణ శాఖ అధికారులు అంచనా వేస్తున్నారు. దిత్వా తుపాను ప్రభావం ప్రభావం ఎక్కువగా తిరుపతి, చిత్తూరు, కడప, నెల్లూరు, ప్రకాశం జిల్లాల్లో ఉంటుందని వాతావరణ శాఖ అధికారుల తెలిపారు. దీంతో ప్రభుత్వం అప్రమత్తమయింది. ఆ యా జిల్లా కలెక్టర్ల కార్యాలయాల్లో కంట్రోల్ రూమ్ లను ఏర్పాటు చేయాలని ప్రభుత్వం ఆదేశించింది. మత్స్యకారులు సముద్రంలోకి వెళ్లరాదని కోరింది. రైతులు వ్యవసాయ పనుల్లో జాగ్రత్తలు తప్పనిసరిగా పాటించాలని సూచించింది. కోస్తా తీరం వెంబడి ఈదురుగాలులు వీస్తాయని వాతావరణ శాఖ సూచించడంతో ప్రమాదకరమైన హోర్డింగ్స్ వెంటనే తొలగిస్తున్నారు.

శిథిలావస్థ స్థితిలోని ఇళ్లల్లో ఉండేవారిని గుర్తించి, సురక్షిత ప్రాంతాలకు తరలించాలని నిర్ణయించారు. ఎస్డీఆర్ఎఫ్, ఎన్డీఆర్ఎఫ్ F బృందాలు ఆ ప్రాంతాల్లో సిద్ధంగా ఉంచాలని ప్రభుత్వం ఆదేశించింది. జిల్లాల్లో మండల స్థాయిలో కంట్రోల్ రూమ్స్ ఏర్పాటు చేసుకోవాలని, సోమవారం వరకు ప్రజలు అప్రమత్తంగా ఉండాలని ప్రభుత్వం ఆదేశించింది. రైతాంగం వ్యవసాయ పనుల్లో తగిన జాగ్రత్తలు తీసుకోవాలని, తమ పంట ఉత్పత్తులను సురక్షిత ప్రాంతాలకు తరలించుకోవాలని సూచించింది. మరొకవైపు తెలంగాణలో మోస్తరు నుంచి తేలికపాటి జల్లులు దిత్వా ప్రభావంతో పడతాయని హైదరాబాద్ వాతావరణ శాఖ అధికారులు తెలిపారు. కొన్ని ప్రాంతాల్లో భారీ వర్షాలు పడే అవకాశముందని తెలిపింది.