Tirumala : తిరుమలకు ఇప్పుడు వెళితే స్వామి వారి దర్శనం...?

ఈరోజు తిరుమలలోని వైకుంఠం క్యూకాంప్లెక్స్‌లో పదమూడు కంపార్ట్‌మెంట్లలో భక్తులు వేచి ఉన్నారు. సర్వదర్శనం క్యూలైన్ లో టోకెన్లు లేకుండా ప్రవేశించే వారికి స్వామి వారి దర్శనం ఎనిమిది గంటల సమయం పడుతుంది. నిన్న తిరుమల శ్రీవారిని 56,723 మంది భక్తులు దర్శించుకున్నారు. వీరిలో 21,778 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారని తిరుమల తిరుపతి దేవస్థానం అధికారులు వెల్లడించారు. నిన్న తిరుమల శ్రీవారి హుండీ ఆదాయం 3.37 కోట్ల రూపాయలు వచ్చిందని అధికారులు తెలిపారు.