TDP : కుర్చీలు గాలిలోకి లేచాయి.. తలలు పగిలాయ్...తిరువూరు టీడీపీలో

తిరువూరులో ఇద్దరు తెలుగుదేశం పార్టీ నేతల క్యాడర్ మధ్య ఘర్షణ జరిగింది. పార్లమెంటు సభ్యుడు కేశినేని నాని, ఆయన సోదరుడు కేశినేని చిన్ని వర్గాల మధ్య విభేదాలు తారా స్థాయికి చేరుకున్నాయి. తిరువూరులో చంద్రబాబు బహిరంగ సభ ఈ నెల 7వ తేదీన జరగనుంది. సభ ఏర్పాట్లను పర్యవేక్షించేందుకు ఇద్దరు నేతలు అక్కడకు వెళ్లారు. అయితే అక్కడ టీడీపీ నేతలు ఏర్పాటు చేసిన ఫ్లెక్సీలలో చిన్ని ఫొటోలు ఉండటం, నాని ఫొటోలు లేకపోవడంతో కేశినేని అనుచరులు ఘర్షణకు దిగారు. సమావేశం జరిగే ప్రాంతంలో వీరంగం సృష్టించారు.