నాన్ సీరియస్ నేతలపై జగన్ సీరియస్

గత ఎన్నికల్లో 151 సీట్లు సాధించామని, వచ్చే ఎన్నికల్లో 175 సీట్లు సాధించేలా కృషి చేయాలని జగన్ నేతలకు దిశానిర్దేశం చేసినట్లు తెలిసింది. పార్టీలు, కులాలు, మతాలు చూడకుండా ప్రజలందరికీ వివిధ పథకాలతో మేలు చేశామని, అందుకని కాలరెగరేసుకుని తిరగాలని జగన్ అన్నారు. రాష్ట్రంలో 87 శాతం కుటుంబాలకు పథకాలు చేరాయన్న జగన్, ప్రతి గ్రామ సచివాలయంలో ఖచ్చితంగా రెండు రోజులు గడప గడపకు ప్రభుత్వం కార్కక్రమం నిర్వహించాలని ఆదేశించారు. ప్రతి నెలలో పది సచివాలయాల్లో నిర్వహించేలా ఏర్పాటు చేసుకోవాలన్నారు. ఉదయం నుంచి సాయంత్రం 7 గంటల వరకూ కార్యక్రమాన్ని కొనసాగించాల్సిందేనని జగన్ గట్టిగా చెప్పారు. నెలకు ఇరవై రోజులు ఈ కార్యక్రమం నిర్వహించాల్సిందేనని చెప్పారు.