Chandrababu : వచ్చే నెలలోనే చంద్రబాబు సొంత ఇంటి నిర్మాణానికి భూమి పూజ

ఇంటి నిర్మాణాన్ని వెంటనే ప్రారంభించాలని చంద్రబాబు కుటుంబ సభ్యులు నిర్ణయించారు. ఉద్యానం, రక్షణ సిబ్బందికి గదులు, వాహనాల పార్కింగ్, తదితర అవసరాలను కూడా నిర్మాణంలో పరిగణనలోకి తీసుకుని నిర్మాణ పనులు చేపడతారు. వీలైనంత త్వరగా పూర్తి చేయాలన్న తలంపుతో ముఖ్యమంత్రి ఉన్నారు. సన్నాహక చర్యల్లో భాగంగా శుక్రవారం మంత్రి లోకేశ్‌ కార్యాలయ సిబ్బంది, వాస్తు సిద్ధాంతి వచ్చి స్థలాన్ని పరిశీలించారు. చదును చేసే పనులను కూడా ప్రారంభించారు. ఈ స్థలాన్ని నెలాఖరులోగా రిజిస్ట్రేషన్‌ చేయించనున్నట్లు తెలిసింది.