సంక్రాంతికి ఏపీకి 30 లక్షల మంది వచ్చారు : చంద్రబాబు

చరిత్ర తిరగ రాయటం తెలుగువాళ్ల వల్లే సాధ్యం అవుతుందని మరోమారు నిరూపితం అవుతోందన్నారు. కాకినాడ నుంచి గ్రీన్ అమోనియా సరఫరా జర్మనీకి సరఫరా అవుతుందన్న చంద్రబాబు గతంలో గ్రే అమోనియా తయారీని నాగార్జునా ఫెర్టిలైజర్స్ చేపట్టిందని , ఇప్పుడు అదే ప్రాంతంలో గ్రీన్ అమోనియా తయారు చేసి పర్యావరణ హిత ఉత్పత్తులు తయారవుతాయన్నారు. పర్యావరణ సమతుల్యత సాధించటమే ప్రస్తుతం ఉన్న లక్ష్యమని, అందుకు అనుగుణంగా ప్రణాళికలు జరుగుతున్నాయని చెప్పారు. ప్రకృతి విపత్తులుసముద్ర మట్టాలు పెరగటం వల్ల భూమి కోతకు గురవుతోందని చంద్రబాబు తెలిపారు. ప్రధాని నరేంద్ర మోదీ 500 గిగావాట్ల గ్రీన్ ఎనర్జీ ఉత్పత్తి చేయాలని లక్ష్యంగా నిర్దేశించారని, ఆయన లక్ష్యాన్ని అందిపుచ్చుకుని ఏపీలో 160 మెగావాట్ల గ్రీన్ ఎనర్జీని తయారు చేసేలా లక్ష్యాలను నిర్దేశించుకున్నామని అన్నారు. బలమైన సంకల్పం ఉంటేనే ఏదైనా సాధించగలమన్నారు.