Andhra Pradesh : బీజేపీ ఎమ్మెల్యేను పనిచేసుకోకుండా అడ్డుపడుతున్నదెవరు? చుక్కలు చూపిస్తున్నారుగా

కానీ గెలిచిన తర్వాత పొత్తులో భాగంగా తాము కోల్పోయిన స్థానాల్లో టీడీపీ నేతలు అక్కడ బీజేపీయో, జనసేన ఎమ్మెల్యే గెలిచినా వారిని సక్రమంగా పనిచేసుకోనివ్వకుండా మోకాలడ్డుతున్నారన్న విమర్శలు వినిపిస్తున్నాయి. జనసేనకు చెందిన ఎమ్మెల్యేలు కూడా అనేక మంది ఉప ముఖ్యమంత్రి పవన్ కల్యాణ్ ఇదే రకమైన ఫిర్యాదు చేశారు. నారా లోకేశ్ కూడా జిల్లా పర్యటనల్లో కార్యకర్తల సమావేశాల్లో మాట్లాడుతూ కూటమిలో ఉన్న మిత్ర పక్షాల ఎమ్మెల్యేలకు టీడీపీ నేతలు సహకరించాలని పదే పదే విజ్ఞప్తి చేస్తున్నా ఫలితం కనిపించడంలేదు. దీంతో అసహనంతో ఉన్న జనసేన, బీజేపీ ఎమ్మెల్యేలు బహిరంగంగానే తమ ఆక్రోశాన్ని వెళ్లగక్కుతుండటం ఇప్పుడు పార్టీలో చర్చనీయాంశంగా మారింది.

తాజాగా ఎచ్చెర్ల బీజేపీ ఎమ్మెల్యే ఈశ్వరరావు ఏకంగా అసెంబ్లీలోనే టీడీపీ నేతలపై ఆరోపణలు చేశారు. టీడీపీ ఎమ్మెల్యే నుంచి తనకు ఎదురవుతున్న ఇబ్బందులను ఆయన సభ ముందుంచారు. దీంతో సభ్యులు అవాక్కయ్యారు. గత ఎన్నికల్లో ఎచ్చర్ల నియోజకవర్గంలో టీడీపీ సీనియర్ నేత కళా వెంకట్రావును చీపురుపల్లికి పంపి, ఆ సీటును బీజేపీకి కేటాయించారు. అక్కడ పోటీ చేసిన బీజేపీ ఎమ్మెల్యే ఈశ్వరరావుకు టీడీపీ నేతలు చుక్కలు చూపుతున్నారట. సోషల్ మీడియాలో బీజేపీ ఎమ్మెల్యేపై ప్రచారం చేస్తున్నది కూడా టీడీపీ నేతలేనట. తనను టార్గెట్ చేస్తున్న టీడీపీ ఎమ్మెల్యేను కట్టడి చేయాలంటూ ఆయన శాసనసభ సాక్షిగా చెప్పుకున్నారంటే ఏ స్థాయిలో టార్చర్ ఉందో చెప్పకనే తెలుస్తుంది. ఇప్పటికైనా మిత్రపక్షాలైన జనసేన, బీజేపీ ఎమ్మెల్యేలు గెలిచిన నియోజకవర్గాల్లో టీడీపీ నేతలను కట్టడి చేయాల్సిన బాధ్యత పార్టీ నాయకత్వంపై ఉంది. లేకుంటే మూడు పార్టీల మధ్య సమన్వయం మాత్రం భవిష్యత్ లో ఉండదన్నది వాస్తవం.