Ys Sharmila : మోదీకి గిఫ్ట్‌ పంపిన వైఎస్ షర్మిల

ఏపీసీసీ చీఫ్ వైఎస్ షర్మిల ప్రధాని నరేంద్ర మోడీకి రేడియో బహుమతిగా పంపారు. ఏపీ ప్రజల మన్ కి బాత్ మీరు వినండి అంటూ ఆమె రేడియోను మోదీకి పంపారు. మోదీకి రాష్ట్రంలో అడుగుపెట్టే అర్హత లేదన్న వైఎస్ షర్మిల ముందు మీరు ఆంధ్ర ప్రదేశ్ ప్రజలకు క్షమాపణ చెప్పాలని డిమాండ్ చేశారు. పదేళ్ల ఏళ్లు రాష్ట్రాన్ని మోసం చేసి ఎన్నికల కోసం మళ్ళీ కపట ప్రేమ చూపిస్తున్నారన్నారు. ఎన్నికల కోసం ఇన్ని సార్లు వచ్చిన మోదీ అభివృద్ధి కోసం ఒక్కనాడైనా వచ్చారా అంటూ ప్రశ్నించారు. మోదీ పై ఏపి ప్రజల తరుపున ఛార్జ్ షీట్ ఇస్తున్నాంమని తెలిపారు. మోదీకి దమ్ముంటే ఏపి ప్రజలకు ఇప్పుడైనా ఇచ్చిన హామీలను అమలు చేస్తామని అఫిడవిట్ రాసి ఇవ్వాలని కోరారు.