వ్యూహం టీజర్ పై వర్మకు వార్నింగ్

ఈ టీజర్‌లో కాంగ్రెస్‌ అధిష్టానాన్ని కించపరిచే విధంగా తీశారని ఆరోపిస్తున్నారు ఏపీ కాంగ్రెస్‌ నేతలు. ఆర్జీవీ రిలీజ్‌ చేసిన వ్యూహం టీజర్‌లో అప్పటి కాంగ్రెస్‌ అధిష్ఠానం, జగన్‌ను బెదిరించినట్లు టీజర్‌లో చూపించారు. అంతేకాదు.. జగన్‌ తలొగ్గపోవడంతోనే సీబీఐ కేసులు, అరెస్టులతో ఇబ్బందులు పెట్టినట్లు వర్మ టీజర్‌ లో చూపించారు. దాంతో వర్మ "వ్యూహం"పై ఏపీ పీసీసీ అధ్యక్షుడు గిడుగు రుద్రరాజు ఫైర్ అయ్యారు. టీజర్ లో వైఎస్సార్ మరణాన్ని చూపించిన నేపథ్యంలో.. సినిమాలో సోనియా గాంధీని కించపరుస్తూ చూపిస్తే బట్టలూడదీసి కొడతాం.. గాంధీ, నెహ్రూల కుటుంబాలను విమర్శిస్తే ఖబడ్దార్.. అంటూ హెచ్చరించారు. సంచలనాలు సృష్టించేందుకే వర్మ ఇదంతా చేస్తున్నారని, కావాలనే లేని వాటిని ఉన్నవిగా చూపిస్తున్నారని మండిపడ్డారు.