ఎన్నికల మూడ్ లోకి వెళ్లిన జగన్

రాష్ట్రంలో ఏడు జిల్లాలకు జడ్పీ ఛైర్ పర్సన్ లుగా మహిళలనే నియమించామని చెప్పారు. పొదుపు సంఘాలకు 12 వేల కోట్లు చెల్లించామని చెప్పారు. 102 మార్కెట్ కమిటీలకు మహిళలనే ఛైర్మన్ లుగా నియమించామని చెప్పారు. దేశ చరిత్రలోనే ఇంతమంది ప్రజాప్రతినిధులున్న రాష‌్ట్రం మనదేనని జగన్ తెలిపారు. వాలంటీర్ల ఉద్యోగాల్లోనూ 53 శాతం మంది మహిళకు అవకాశమిచ్చామని చెప్పారు. అమ్మఒడి, విద్యా దీవెన, వసతి దీవెన కింద తల్లుల ఖాతాల్లోనే నగదును జమ చేస్తున్నామని చెప్పారు. జగన్ ప్రసంగంలో రెండు చేతులు పైకి ఎత్తి ఇలా.. ఇలా.. ఇలా.. అని అంటుండటం ఎన్నికల ప్రచారాన్ని తలపించింది. ఈ కార్యక్రమంలో మహిళ మంత్రులు, ఎంపీలు, ఎమ్మెల్యేలు, జడ్పీ ఛైర్మన్లు, మున్సిపల్ ఛైర్మన్లు, పంచాయతీ సర్పంచ్ లు హాజరయ్యారు.