నేడు సుప్రీంకోర్టులో విచారణ
నేడు సుప్రీంకోర్టులో ఆంధ్రప్రదేశ్ లిక్కర్ కేసు విచారణ జరగనుంది
నేడు సుప్రీంకోర్టులో ఆంధ్రప్రదేశ్ లిక్కర్ కేసు విచారణ జరగనుంది. లిక్కర్ కేసులో బాలాజీ గోవిందప్ప, కృష్ణమోహన్రెడ్డి, ధనుంజయ్ బెయిల్ పిటిషన్లపై సుప్రీం విచారించనుంది. ఏసీబీ కోర్టు ఆంధ్రప్రదేశ్ లిక్కర్ స్కామ్ కేసులో ఈ ముగ్గురికి బెయిల్ లభించింది. అయితే ఈ ముగ్గురు బెయిల్ ను రద్దు చేస్తూ హైకోర్టు ఉత్తర్వులు జారీ చేసింది.
బెయిల్ రద్దుపై...
దీంతో బాలాజీ గోవిందప్ప, కృష్ణమోహన్రెడ్డి, ధనుంజయ్ రెడ్డిలు సుప్రీంకోర్టును ఆశ్రయించారు. తమకు ఈ కేసులో బెయిల్ కొనసాగించాలని కోరుతున్నారు. మరొకవైపు వీరు సాక్ష్యాలను ప్రభావితం చేసే అవకాశం ఉందని ప్రభుత్వం తరుపున న్యాయవాదులు వాదించనున్నారు. వీరి బెయిల్ రద్దుపై హైకోర్టు ఇచ్చిన ఉత్తర్వులను సస్పెండ్ చేయవద్దని కోరనున్నారు.