విశాఖలో టీసీఎస్ కు భూ కేటాయింపులపై ఉత్తర్వులు
విశాఖలో ఏర్పాటు చేయనున్న టీసీఎస్ క్యాంపస్ కు భూమిని కేటాయిస్తూ ఏపీ ప్రభుత్వం ఉత్తర్వలు జారీ చేసింది
టాటా కన్సల్టెన్సీ సర్వీసెస్ సంస్థ విశాఖపట్నంలో ఏర్పాటు చేయనున్న ఐటీ క్యాంపస్ కోసం రాష్ట్ర ప్రభుత్వం 21.16 ఎకరాల భూమిని ఎకరా 99 పైసల చొప్పున కేటాయిస్తూ సోమవారం ఉత్తర్వులిచ్చింది. ఈ క్యాంపస్ నిర్మాణానికి టీసీఎస్ రూ.1,370 కోట్లు ఖర్చు చేయనుంది. మొన్న మంత్రి వర్గ సమావేశంలో ఈ మేరకు భూమిని కేటాయించారు.
పన్నెండు వేల మందికి...
విశాఖలో టీసీఎస్ క్యాంపప్ ఏర్పాటయితే ఎక్కువ మందికి ఉపాధి అవకాశాలు లభిస్తాయని భావిస్తున్నారు. ఇందుకోసం ప్రభుత్వం గత కొన్ని నెలలుగా విశేషంగా పనిచేస్తుంది. ఈ క్యాంపస్ విశాఖలో ఏర్పాటయితే ఇక్కడ 12 వేల మందికి ఉపాధి లభిస్తుందని ప్రభుత్వం ఉత్తర్వుల్లో పేర్కొంది. దీనివల్ల విశాఖలో మరికొన్ని ఐటీ పరిశ్రమలు వచ్చే అవకాశముంది.