Andhra Pradesh : ఇక వారందరికీ గుడ్ న్యూస్.. ఆగస్టు నెల నుంచే వారికి కొత్త పింఛన్లు

ఎవరైనా పెన్షన్ పొందుతున్న భర్తలు చనిపోతే, వారి భార్యలు ఈ పెన్షన్లను పొందడానికి అర్హులు. గతంలో కూడా ఇలాంటి వితంతు పెన్షన్లు ఇచ్చారు. కాదంటే ఇంకా చాలామంది కొత్తవారు ఉండిపోయారు. వారికోసమే ప్రభుత్వం ఇపుడు ఈ నిర్ణయం తీసుకుందని మంత్రులు చెబుతను్నార. భర్త చనిపోతే కచ్చితంగా భార్యకు పెన్షన్ ఇవ్వాలనే ఆలోచనతో ఈ కొత్త కార్యక్రమాన్ని ప్రభుత్వం ప్రారంభించింది. ప్రతినెలా ఇలా కొత్తగా చనిపోతున్నవారి జాబితాని సేకరించి, వారి భార్యలను ఈ కొత్త పెన్షన్ల జాబితాలో చేర్చనున్నారు. వారికి పెన్సన్ వచ్చేలా చేస్తారు. ఆగష్టులో మొదలైన ఈ పెన్షన్ల కింద, ఒక్కొక్కరికి నెలకు నాలుగు వేల రూపాయలు చొప్పున ఇస్తారు. ఇలా ఈ అదనపు వితంతు పెన్షన్ల కోసం రూ.43.66 కోట్ల రూపాయలను ప్రభుత్వం కేటాయించింది.

ఆంధ్రప్రదేశ్ లో అర్హులైనవారందరికీ పెన్షన్ అందడం లేదని కూటమి ప్రభుత్వం గుర్తించింది. ముఖ్యమంత్రి చంద్రబాబు నాయుడు అర్హులైన ప్రతి ఒక్కరికీ పింఛను అందేలా చర్యలు తీసుకోవాలని అధికారులను ఆదేశించారు. ఇందుకోసం కూటమి ప్రభుత్వం సర్వేలు జరిపి, జాబితాను సిద్ధం చేసింది. ఇప్పుడు ఆంధ్రప్రదేశ్ లో పెన్షన్ తీసుకునేవారి సంఖ్య 62,81,768 మంది ఉన్నారు. అయితే ఇందులో కొంతమంది చనిపోయినవారు, మిస్సింగ్ అయినవారు, విదేశాలకు వెళ్లిపోయినవారు, అందుబాటులో లేని వారు, అనర్హులు దాదాపు మూడు లక్షలకు పైనే ఉన్నట్టు కూటమి ప్రభుత్వం చెబుతుంది. వీరందరినీ ఇప్పుడు పెన్షన్ లిస్ట్‌లోంచి తొలగించి ఆ డబ్బులను ఇప్పుడు వింతతు పెన్షన్ల కింద ఇవ్వాలని కూటమి ప్రభుత్వం భావిస్తుంది. దీంతో ఆంధ్రప్రదేశ్ లో నివాసముంటూ అర్హత కలిగిన వారికి పింఛన్లు ఇవ్వాలని ఏపీ ప్రభుత్వం నిర్ణయించింది.