Bhuma Akhila Priya : భూమా అఖిలప్రియ పొలిటికల్ స్కెచ్ అదిరిందిగా?

అయితే గత ఎన్నికల సమయంలో తెలుగుదేశం పార్టీ కీలక నిర్ణయం తీసుకుంది. ఒక కుటుంబానికి ఒకే టిక్కెట్ అనే నినాదాన్ని తెచ్చింది. దాదాపుగా అన్ని నియోజకవర్గాల్లోనూ అదే పద్ధతిని అవలంబించింది. జేసీ సోదరులు, కేఈ కుటుంబానికి, పరిటాల ఫ్యామిలీకి ఒక కుటుంబంలో ఒకరికే సీటు నిర్ణయంతో ఒకరికే సీటు దక్కింది. దీంతో భూమా కుటుంబానికి కూడా ఆ సమయంలో సీటు దక్కలేదు. అయితే గత కొంతకాలంగా భూమా అఖిలప్రియ మాత్రం వచ్చే ఎన్నికల్లో నంద్యాల నుంచి తన సోదరుడు భూమా జగద్విఖ్యాత రెడ్డిని పోటీ చేయించాలన్న నిర్ణయంతో ఉన్నట్లు కనిపిస్తుంది. అందుకే ఆ దిశగా అఖిలప్రియ అడుగులు వేస్తున్నారు. ఇప్పటికే భూమా బ్రహ్మానందరెడ్డిని వెనక్కు నెట్టారు.

నంద్యాల నియోజకవర్గంలో భూమా సన్నిహితులతో ప్రత్యేకంగా సమావేశాలను పెడుతున్నారు. దీంతో పాటు విజయ డెయిరీ ఛైర్మన్ పదవిని తన సోదరుడు జగద్విఖ్యాత రెడ్డికి కట్టబెట్టేందుకు చేస్తున్న ప్రయత్నం కూడా అందులో భాగమేనంటున్నారు. ఎందుకంటే జగద్విఖ్యాత రెడ్డిని తొలుత డెయిరీ ఛైర్మన్ గా చేసి తర్వాత ఎమ్మెల్యేగా పోటీ చేయించాలని, తాను తిరిగి ఆళ్లగడ్డ నుంచి నిలిచి గెలవాలన్నది అఖిలప్రియ ఆలోచనగా ఉంది. అంటే వచ్చే ఎన్నికల్లో తమ కుటుంబానికి రెండు టిక్కెట్లు ఇస్తారన్న నమ్మకంతోనే అఖిలప్రియ ఉన్నట్లు కనపడుతుంది. ఎన్.ఎం.డి. ఫరూక్ కు వయసు మీరడంతో ఈసారి తమ కుటుంబానికే టిక్కెట్ లభిస్తుందని అఖిలప్రియ సన్నిహితుల వద్ద వ్యాఖ్యానిస్తున్నారట. అందుకు తన కుటుంబంలోని జగద్విఖ్యాత రెడ్డిని నంద్యాల ఎమ్మెల్యేగా పోటీ చేయించాలని రూట్ మ్యాప్ ఇప్పటి నుంచే రెడీ చేస్తున్నారట. మరి టీడీపీ ఒక కుటుంబానికి రెండు టిక్కెట్లు వచ్చే ఎన్నికల్లో ఇస్తుందా? లేదా? అన్నది వేచి చూడాలి.