Vijayawada : విజయవాడలో పెరుగుతున్న డయేరియా కేసులు.. తేలని కారణం

న్యూ రాజరాజేశ్వరిపేటలో ఇంకా ఇంకా దుకాణాలు, పాఠశాలలు మూతపడే ఉన్నాయి. దాదాపు వారం రాజులుగా ఇదే పరిస్థితి నెలకొంది. న్యూ రాజరాజేశ్వరి పేటలో దాదాపు కర్ఫ్యూ వాతావరణం నెలకొంది. వారం రోజులు గడిచినా, అతిసార కేసులపై కారణాలను యంత్రాంగం నిర్ధారించకపోవడంతో అసలు కారణం తెలియడం లేదు. నీటి కాలుష్యంపై పెదవి విప్పడం లేదు. ఉపాధి లేక, ఆహారం దొరకక సామాన్యులు ఇబ్బంది పడుతున్నారు. న్యూ రాజరాజేశ్వరిపేటలో అందరూ పేదవారే ఎక్కువగా నివాసం ఉండటంతో ఉపాధి అవకాశాలు కోల్పోయి ఇబ్బందులు పడుతున్నారని, తినడానికి తిండి కూడా లేక అవస్థలు పడుతున్నారని విపక్ష పార్టీలు విమర్శలు చేస్తున్నాయి.

నగరపాలక సంస్థ పాలక పక్షం చేతులెత్తేసింది. అధికారుల తీరుపై ముఖ్యమంత్రి చంద్రబాబు నాయుడు అసంతృప్తి వ్యక్తం చేశఆరు. ఆర్ఆర్‌పేటలో డయేరియా అరికట్టకపోవడంపై అసహనం వ్యక్తం చేశఆరు. ఆర్ఆర్‌పేట ఘటన మానవ తప్పిదమని ఆయన అభిప్రాయపడ్డారు. తురకపాలెం ఘటనను కేస్ స్టడీగా తీసుకోవాలని అధికారులను ఆదేశించారు. కాగా జనం ఆసుపత్రిల చుట్టూ తిరుగుతున్నారు, ఇంకా ప్రభుత్వ ఆసుపత్రిలో పదుల సంఖ్యలో చికిత్స పొందుతూనే ఉన్నారు. కొందరు ప్రవేట్ ఆసుపత్రిలో వైద్యం పొందుతున్నారు. మొత్తం మీద రాజరాజేశ్వరిపేటలో డయేరియా రోగులు రోజురోజుకూ పెరుగుతుండటం, అధికారులు కారణాలను తేల్చకపోవడంపై ప్రజలు కూడా అసంతృప్తి వ్యక్తం చేస్తున్నారు.