Chandrababu : Chandrababu : అమరావతి అలకగానే పండగ అవుతుందా? అసలు పండగ ఎప్పుడంటే?

కేవలం ప్లాట్లను కేటాయించడమే కాకుండా అభివృద్ధి చేసిన ప్లాట్లను వారికి అందివ్వాల్సి ఉంటుంది. మౌలిక సదుపాయాలు కల్పించి వారికి ప్లాట్లు ఇవ్వగలిగితే రైతుల్లో కొంత భరోసా ఏర్పడుతుంది. తాజాగా రెండో విడత భూ సమీకరణ అని నోటిఫికేషన్ వెలువడిన వెంటనే రాజధాని ప్రాంతంలో భూముల ధరలు పడిపోయాయని రైతులు వాపోతున్నారు. కేవలం రాజధాని ప్రాంతంలోని భూములకు మాత్రమే ఈ ఎఫెక్ట్ పడలేదు. పొరుగున ఉన్న గుంటూరు పట్టణంపై కూడా ఈ ప్రభావం పడిందని చెబుతున్నారు. మరో యాభై వేల ఎకరాలు సేకరిస్తే తమ భూములను కొనుగోలు చేసేవారు ఎవరన్న ప్రశ్న ఆ ప్రాంత రైతుల్లో ఉంది.

మరొకవైపు కేవలం రాజధాని అమరావతి నామస్మరణం చేస్తూ వెళితే రాజకీయంగా కూటమి ప్రభుత్వానికి ఇబ్బందులు తప్పవు. గత ఎన్నికల్లో రాజధాని అమరావతి వల్లనే తమకు మూడు ప్రాంతాల నుంచి మద్దతు దొరికిందని భావించడం అతి విశ్వాసమే అవుతుంది. ఎందుకంటే ఏ ప్రాంత వాసికైనా తమ ప్రాంతమైన కొంత మమకారం ఉంటుంది. లక్షల కోట్లు ఒకచోట ఖర్చు పెడుతూ ఉంటే కడుపు తరుక్కుపోయి మిగిలిన ప్రాంత ప్రజలు వ్యతిరేకమయ్యే అవకాశముంది. అందుకే చంద్రబాబుకు అమరావతి నిర్మాణం అది పెద్ద సవాల్ అని చెప్పాలి. మరి అమరావతి అందలమెక్కిస్తుందని భావించినా అది ఒక్కోసారి ముంచే ప్రమాద ముందన్న విశ్లేషణలు కూడా వెలువడుతున్నాయి.