ఏపీలో ఆరో జోన్లు.. రెండు మల్టీ జోన్లు
ఆంధ్రప్రదేశ్ రాష్ట్రంలో ఆరు జోన్లు.. రెండు మల్టీ జోన్లను ఏర్పాటు చేస్తూ కేంద్రప్రభుత్వం నిర్ణయం తీసుకుంది.
ఆంధ్రప్రదేశ్ రాష్ట్రంలో ఆరు జోన్లు.. రెండు మల్టీ జోన్లను ఏర్పాటు చేస్తూ కేంద్రప్రభుత్వం నిర్ణయం తీసుకుంది. ఇరవై ఆరు జిల్లాల ఆధారంగా కేంద్రం గెజిట్ నోటిఫికేషన్ విడుదల చేసింది. పబ్లిక్ ఎంప్లాయ్మెంట్ ఆర్డర్-1975 ప్రకారం ఉన్న జోనల్ నిబంధనలను కేంద్రం సవరించింది. ప్రత్యక్ష నియామకాల్లో స్థానికత కేడర్, జోనల్, మల్టీ జోన్లపై స్పష్టతనిస్తూ గెజిట్ విడుదల చేసింది. ఏడేళ్లు ఒకేచోట చదివిన ప్రాంతాన్ని స్థానికంగా పరిగణనలోకి తీసుకోవాలని ఉతర్వుల్లో పేర్కొన్నారు.
మల్టీ జోన్-1 :
జోన్-1 : శ్రీకాకుళం, విజయనగరం, పార్వతీపురం మన్యం, విశాఖ, అనకాపల్లి జిల్లాలు.
జోన్-2 : అల్లూరి సీతారామరాజు, తూ.గో., కాకినాడ, అంబేద్కర్ కోనసీమ జిల్లాలు.
జోన్-3 : ప.గో., ఏలూరు, ఎన్టీఆర్, కృష్ణా జిల్లాలు.
మల్టీ జోన్-2 :
జోన్-4 : గుంటూరు, పల్నాడు, బాపట్ల, ప్రకాశం, శ్రీ పొట్టి శ్రీరాములు నెల్లూరు జిల్లాలు.
జోన్-5 : తిరుపతి, చిత్తూరు, అన్నమయ్య, కడప జిల్లాలు.
జోన్-6 : నంద్యాల, అనంతపురం, కర్నూలు, శ్రీసత్యసాయి జిల్లాలు