Fact Check: شاہ رخ خان کی فلم ’جوان‘ کے ٹریلر کے ریلیز کا جشن مناتے ان کے مداح کی ویڈیو Fake ہے
اس ویڈیو کے ساتھ کیپشن تھا: ’’یہ تو بس ایک ٹریلر ہے، پکچر ابھی باقی ہے میرے دوست۔ تھیٹر میں 7 ستمبر کو دھماکہ ہونے جارہا ہے۔‘‘
سوشل میڈیا کے مختلف پلیٹ فارمس پر ایک ویڈیو کافی وائرل ہورہی ہے جس میں شاہ رخ خان کے مداح اُن کی فلم ’جوان‘ کا ٹریلر دیکھ کر ایک کلب میں جشن منارہے ہیں۔ سوشل میڈیا کے چند صارفین نے اس ویڈیو کو لے کر دعویٰ کیا ہے کہ اس ویڈیو میں شاہ رخ خان کےمداح جشن منارہے ہیں۔
شاہ رخ خان کے مداح Ajubhai نامی ایک ایکس (سابقہ ٹوئٹر) اکاونٹ پر یہ فوٹیج شیئر کی گئی تھی۔ اس ویڈیو کے ساتھ کیپشن تھا: ’’یہ تو بس ایک ٹریلر ہے، پکچر ابھی باقی ہے میرے دوست۔ تھیٹر میں 7 ستمبر کو دھماکہ ہونے جارہا ہے۔‘‘
ایک اور ایکس اکاونٹ جس کا نام Anshul ہے، اس پر بھی یہی ویڈیو اسی کیپشن کے ساتھ پوسٹ کی گئی ہے۔
اتنا ہی نہیں، اس ویڈیو کو لبرل ٹی وی کے آفیشل فیس بک پیج پر بھی شیئر کیا گیا۔
فیکٹ چیک:
یہ ایک ایڈیٹیڈ یعنی ترمیم شدہ ویڈیو ہے اور اس میں لوگوں کو شاہ رخ خان کے مداح فلم جوان کے ٹریلر کے طور پر غلط طریقے سے پیش کیا گیا ہے۔ ویڈیو کا باریک بینی سے جائزہ لینے پر یہ واضح ہو جاتا ہے کہ یہ کسی کلب کا منظر ہے۔ منظر کا ایک رخ فٹ بال سے متعلق تصاویر دکھاتا ہے۔
پہلی نظر میں ہمیں یہ کسی غیر ملکی کلب کا منظر معلوم ہوتا ہے۔ حالانکہ، ریورس امیج سرچ کرنے کے بعد، اس ویڈیو کے متعدد ورژن ہمیں ملے۔
مذکورہ تحقیقات کی بنیاد پر، معلوم ہوا کہ یہ منظر سال 2016 میں انگلینڈ کے شہر برسٹل کے ایشٹن گیٹ اسٹیڈیم میں لیا گیا تھا۔ ویڈیو میں اس جشن کو دکھایا گیا ہے جب انگلینڈ نے یورو 2016 ٹورنامنٹ میں ویلز کے خلاف کامیابی حاصل کی تھی۔ اسے ہارٹ نیوز ویسٹ کاؤنٹی یوٹیوب چینل پر شائع کیا گیا تھا۔
برسٹل اسپورٹ آفیشل یوٹیوب چینل نے اس جشن منانے والی 1.53 منٹ کی ویڈیو کو شیئر کیا تھا۔ یہ ویڈیو 360 ڈگری کا منظر پیش کرتی ہے جس سے تصدیق ہوتی ہے کہ اصل ویڈیو ایشٹن گیٹ اسٹیڈیم اسپورٹس بار میں اسے فلمایا گیا۔
Bristol247.com نے اصل ویڈیو شائع کی ہے جسے وائرل ویڈیو بنانے کے لیے ہیرا پھیری کی گئی ہے۔
مزید تلاش کرنے پر معلوم ہوا کہ برج اسٹون سٹی فٹبال کلب کی ویب سائٹ نے وائرل ویڈیو میں موجود منظر سے ملتی جلتی تصاویر شائع کی تھی۔
جب وائرل ویڈیو اور اصل ویڈیو میں موازنہ کیا گیا تو، واضح ہوتا ہے کہ صرف اسکرین کا فوٹیج ایڈیٹ کیا گیا اور اسے دوسرے مقصد کے لیے استعمال کیا گیا۔ "جوان" کے ٹریلر کو تشہیری مقاصد کے لیے بھی استعمال کیا جاتا ہے۔ اس لیے یہ دعویٰ غلط ہے۔