నేడు నల్లగొండ జిల్లాలో వైఎస్ షర్మిల

తెలంగాణ వైఎస్సార్ టీపీ అధినేత వైఎస్ షర్మిల నేడు నల్లగొండ జిల్లాలో పర్యటించనున్నారు. నిరుద్యోగు సమస్యపై ఆమె దీక్ష చేయనున్నారు. నల్లగొండ జిల్లాల చుండూరు మండలం పుల్లెంల గ్రామంలో వైఎస్ షర్మిల నిరుద్యోగుల సమస్యల పరిష్కారం కోసం దీక్ష చేస్తున్నారు. ఈ గ్రామంలో ఇటీవల నిరుద్యోగ యువకుడు శ్రీకాంత్ ఆత్మహత్యకు పాల్పడ్డారు. దీంతో ఇక్కడ దీక్ష చేయాలని వైఎస్ షర్మిల నిర్ణయించారు. శ్రీకాంత్ కుటుంబాన్ని పరామర్శించిన అనంతరం ఆమె దీక్ష చేపట్టారు. సాయంత్రం వరకూ వైఎస్ షర్మిల దీక్ష కొనసాగనుంది.