జగన్ చేతికి బీసీజీ నివేదిక

బోస్టన్ కన్సల్టెంట్ గ్రూపు ప్రతినిధులు ఏపీ ముఖ్యమంత్రి జగన్ ను కొద్దిసేపటి క్రితం కలిశారు. వారు రాజధాని అంశంపై నివేదికను జగన్ కు ఇచ్చారు. వైట్ పేపర్ ఇన్ సీఆర్డీఏ పేరుతో జగన్ కు నివేదిక ఇచ్చారు. ఈ నివేదికలో రాజధాని ఏర్పాటుతో పాటు రాజకీయ అంశాలను కూడా బోస్టన్ కన్సల్టెంట్ గ్రూపు ఇచ్చినట్లు తెలుస్తోంది. ఈ నెల 6వ తేదీన హైపవర్ కమిటీ జీఎన్ రావు కమిటీ, బోస్టన్ గ్రూపు కమిటీ నివేదికలపై చర్చించనుంది. ఈ నెల 8వతేదీన జరగనున్న కేబినెట్ సమావేశంలో ఈ రెండు నివేదికలపై చర్చిస్తారు. ఈ నెల 20వ తేదీలోగా హైపవర్ కమిటీ నివేదిక ఇస్తుంది. ఈ తర్వాత అసెంబ్లీలో చర్చించి మూడు రాజధానుల అంశంపై ఒక నిర్ణయం ప్రకటించే అవకాశముంది.