Hot Summer: ఈ నెల 12 నుంచి హై అలెర్ట్... ఎండలు ఎన్ని డిగ్రీలు ఉంటాయో తెలుసా?

హైదరాబాద్ తో పాటు చుట్టు పక్కల కొన్ని జిల్లాలు మినహాయిస్తే తెలంగాణలోని అన్ని ప్రాంతాల్లోనూ ఎల్లో అలెర్ట్ జారీ అయింది. ఈ జిల్లాల్లో ప్రజలు వీలయినంత వరకూ ఇంటి నుంచిబయటకు రాకుండా తగిన జాగ్రత్తలు తీసుకోవాలని సూచించింది. ముఖ్యంగా రహదారులపై ప్రయాణించే వారు వాహనాలకు ఎలాంటి ఇబ్బందులు తలెత్తకుండా చూసుకోవాలని నిపుణులు తెలిపారు. టైర్లు పంక్చర్ అయ్యే అవకాశమున్నందున అతి వేగం పనికిరాదని, రహదారుల శాఖ సూచన మేరకు స్పీడ్ కంట్రోల్ లో వెళ్లాలని సూచించింది. తారు రోడ్డు కావడంతో ఎండల తీవ్రతకు టైర్లు పగిలిపోయి ప్రమాదానికి గురయ్యే అవకాశముందని మెకానిక్ లు కూడా హెచ్చరిస్తున్నారు.

ఇక ఆంధ్రప్రదేశ్ లోనూ కొన్ని జిల్లాలకు ఎల్లో అలెర్ట్ జారీ అయింది. ప్రధానంగా విజయవాడ, గుంటూరు, ప్రకాశం, కడప, చిత్తూరు, అనంతపురం, కర్నూలు ప్రాతాల ప్రజలు అప్రమత్తంగా ఉండాలని వాతావరణ శాఖ సూచించింది. ఈ నెల చివర వరకూ తీవ్రమైన వడగాల్పులు వీచే అవకాశం ఉందని తెలిపింది. వడగాలులు ఎక్కువగా 62 మండలాల్లో వీస్తాయని పేర్కొంది. శ్రీకాకుళం జిల్లా-11, విజయనగరం-16, పార్వతీపురంమన్యం-10, అల్లూరి సీతారామరాజు -10, అనకాపల్లి-2, కాకినాడ-1, కోనసీమ-1, తూర్పుగోదావరి-8, ఏలూరు-3 మండలాల్లో వడగాల్పులు ప్రభావం చూపనున్నట్లు వాతావరణ శాఖ అధికారులు తెలిపారు.శరీరం డీహైడ్రేషన్ కు గురి కాకుండా రోజుకు నాలుగులీటర్ల మంచినీరు తీసుకోవాలని సూచించింది.