Wether Report : పిడుగులు.. ఈదురుగాలులతో కూడిన వర్షాలు.. మూడు రోజులు ఇదే సీన్

దీంతో ఏపీ, తెలంగాణకు వాతావరణ శాఖ అలెర్ట్ జారీ చేసింది. తేలికపాటి నుంచి మోస్తరు వర్షాలు కురిసే అవకాశమున్నందున రైతులు తమ పంట ఉత్పత్తులను వర్షానికి తడిసిపోకుండా జాగ్రత్తలు పాటించాలని సూచించారు. అయితే బంగాళాఖాతంలో ఏర్పడిన అల్పపీడనం రానున్న ఇరవై నాలుగు గంటల్లో బలహీన పడుతుందని తెలిపింది. రెండు తెలుగు రాష్ట్రాల్లో ముప్ఫయి నుంచి నలభై కిలోమీటర్ల వేగంతో ఈదురుగాలులు వీస్తాయని, చెట్ల కింద విద్యుత్తు స్థంభాల వద్ద ఎవరూ నిల్చోకుండా తగిన జాగ్రత్తలు పాటించాలని సూచించారు.

దీంతోపాటు ఆంధ్రప్రదేశ్, తెలంగాణలలో కొంత పిడుగులు కూడా పడే అవకాశముందని వాతావరణ శాఖ తెలిపింది. పశువుల కాపర్లు, రైతులు మాత్రం చెట్ల కింద నిల్చోకుండా ఉండటం మంచిదని సూచించారు. ఆంధ్రప్రదేశ్ లోని ఉత్తరాంధ్ర జిల్లాల్లో పిడుగులతో పాటు కూడిన వర్షాలు పడే అవకాశముందని తెలిపింది. మిగిలిన జిల్లాల్లో మత్రం తేలికపాటి వర్షాలు కురుస్తాయని పేర్కొంది. ప్రజలు అప్రమత్తంగా ఉండాలని, ఇదే సమయంలో వేడి గాలుల తీవ్రత కూడా తక్కువగా ఉంటుందని వాతావరణ శాఖ తెలిపింది. మూడు రోజుల పాటు ఇదే పరిస్థితి కొనసాగుతుందని వాతావరణ శాఖ అప్ డేట్ ఇచ్చింది.