Weather Report : ప్రిపేర్ అయిపోండి.. చలి కాదు.. ముందుంది వేసవి ఎండ

తెలంగాణలో చలితీవ్రత పెరిగింది. కనిష్ట ఉష్ణోగ్రతలు నమోదవుతున్నాయి. ప్రజలు అనేకరకాలుగా ఇబ్బందులుపడుతున్నారు. వృద్ధులు, చిన్న పిల్లలు అస్వస్థతకు గురవుతున్నారు. జ్వరం, ఒళ్లునొప్పులు, దగ్గు వంటి ఇబ్బందులు ఎక్కువగా ఎదుర్కొంటున్నారు. శ్వాసకోశఇబ్బందులన్న వారు బయటకు రాకపోవడమే మంచిదని వైద్యులు చెబుతున్నారు. మెదక్‌లో కనిష్ఠంగా 10.8 డిగ్రీల ఉష్ణోగ్రత నమోదు అయింది. ఆదిలాబాద్ 13.2, రాజేంద్రనగర్‌లో 13.5 డిగ్రీలు, పటాన్‌చెరు 13.4, హకీంపేట 13.6, దుండిగల్‌లో 16, మహబూబ్‌నగర్‌లో 19.2 డిగ్రీల గరిష్ఠ ఉష్ణోగ్రత నమోదు అయింది. దీర్ఘకాలిక రోగులు కూడా అప్రమత్తంగా ఉండాలని సూచిస్తున్నారు.

మరోవైపు పొగమంచు కూడా తీవ్ర ఇబ్బందులు పెడుతుంది. హైదరాబాద్ తో పాటు పలు ప్రాంతాల్లో పొగమంచు వల్ల వాహనాల రాకపోకలు ఆలస్యంగా మారుతున్నాయి. ఒకవైపు చలిగాలులు, మరొక వైపు పొగమంచు ప్రజలను ఇబ్బంది పెడుతున్నాయి. జాతీయరహదారిపై దారి కనిపించక వాహనాలు నెమ్మదిగా సాగుతున్నాయి. విజయవాడ, శంషాబాద్ ఎయిర్ పోర్టులో పలు విమానాలు పొగమంచు కారణంగా ఆలస్యంగా నడుస్తున్నాయి. హెడ్ లైట్లు వేసుకుని మరీ ప్రయాణం చేయాల్సి వస్తుంది. విజయవాడ ఎయిర్ పోర్టులో పొగమంచు కారణంగా ఇండిగో విమానం కాసేపు గాలిలో చక్కర్లు కొట్టింది. రోడ్డు ప్రమాదాలు జరగకుండా జాగ్రత్తలు పాటించాలని సూచిస్తున్నారు.