జంట మధ్య చిచ్చుపెట్టిన మ్యాగీ.. ఇద్దరి అంగీకారంతో విడాకులు !

తన భార్య తనకు రోజూ మూడుసార్లు 'మ్యాగీ' ని వండుతోందని భర్త తన పిటిషన్‌లో పేర్కొన్నాడు. ఇంటి దగ్గర దుకాణాలు ఉన్నప్పటికీ ఆమె కిరాణా కొనడం మానేసిందని.. భర్త రోజూ మ్యాగీ తింటూ అస్వస్థతకు గురయ్యానని కోర్టులో చెప్పుకొచ్చాడు. పరస్పర అంగీకారంతో ఇద్దరికీ విడాకులు ఇచ్చామని న్యాయమూర్తి తెలిపారు. అయితే గ్రామీణ ప్రాంతాల్లో పరిస్థితి భిన్నంగా ఉందన్నారు. కుటుంబ వివాదాలు పంచాయతీల ద్వారా పరిష్కరించబడతాయన్నారు. మహిళలు గౌరవ భావంతో విడాకులు తీసుకోవడానికి భయపడుతున్నారన్నారు. కానీ, పట్టణ ప్రాంతాల్లో మహిళలు ఆర్థికంగా స్థిరంగా ఉండడంతో విడాకుల కోసం దాఖలు చేయడానికి వెనుకాడరని ఆయన వివరించారు.

జస్టిస్ రఘునాథ్ మాట్లాడుతూ, "వైవాహిక సమస్యలను పరిష్కరించడం కష్టం. దంపతులు తమ పిల్లల భవిష్యత్తును దృష్టిలో ఉంచుకుంటే, తిరిగి కలుసుకోవడం సాధ్యమవుతుంది. చాలా సమయం భావోద్వేగాలకు గురవ్వడంతో వివాహాన్ని నాశనం చేసుకుంటూ ఉంటారు. చాలా వరకూ సదరు జంట కలిసి జీవించాలని నిర్ణయించుకున్నా, మానసికంగా కొన్ని సంఘటనలు జీవితాంతం వెంటాడుతూ ఉంటాయి" అని అన్నారు. ఇటీవలి కాలంలో విడాకులు విపరీతంగా పెరిగిపోతున్నాయి.

విడాకుల కోసం దరఖాస్తు చేసుకునే ముందు దంపతులు కనీసం ఒక సంవత్సరం పాటు కలిసి జీవించాలనే చట్టం ఉంది. లేకుంటే చాలా మంది జంటలు నేరుగా కళ్యాణ మండపం నుంచే విడాకుల కోసం కోర్టును ఆశ్రయించేవారు. పెళ్లయిన మరుసటి రోజే విడాకుల కోసం దరఖాస్తు చేసుకున్న కేసులు కోర్టుల్లో పెండింగ్‌లో ఉన్నాయి. చాలా చిన్న చిన్న కారణాలతో జంటలు విడాకులు కోరుతున్నారు. ప్రేమ వివాహం, పెద్దలు కుదిర్చిన వివాహాలు రెండింటిలోనూ మేము విడాకుల కేసులను సమానంగా చూస్తున్నాం అని ఆయన చెప్పుకొచ్చారు.