Gold Prices Today : బంగారాన్ని కొనుగోలు చేయడానికి సరైన టైం ఇదేనా?

బంగారం తగ్గినప్పుడు కొనుగోలు చేయాలని కొందరు, ఇప్పుడే కొనుగోలు చేయడం మంచిదని మరికొందరు ఎవరికి వారు తమకు తోచినట్లుగా చెబుతున్నారు. కానీ మార్కెట్ నిపుణులు మాత్రం భవిష్యత్ లో బంగారం, వెండి ధరలు భారీగా పెరుగుతాయన్న అంచనాలు వేస్తున్నారు. బంగారం, వెండిపై పెట్టుబడి పెట్టేవారు మదుపు చేసి ఒక ఏడాది పాటు వాటి వైపు చూడకుండా ఉంటే అత్యధిక లాభాలు వస్తాయని అంటున్నారు. అయితే ఇంకా ధరలు తగ్గితే పెట్టుబడులు పెట్టాలని చాలా మంది చూస్తున్నారు.

మరొకవైపు పెళ్లిళ్ల సీజన్ ప్రారంభం కావడంతో ధరలు అమాంతం పెరుగుతాయన్న అంచనాలతో తమకు అవసరమైనంత మేరకు బంగారం, వెండి వస్తువులను కొనుగోలు చేస్తున్నారు. ఈరోజు దేశంలో బంగారం ధరలు స్థిరంగా కొనసాగుతున్నాయి. వెండి ధరలు నిలకడగానే ఉన్నాయి. ఉదయం ఆరు గంటలకు నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,38,350 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,50,930 రూపాయలుగా కొనసాగుతుంది. రెండు లక్షలకు చేరుకుని ఇప్పటికే యాభై వేలు తగ్గింది. ఇక వెండి కిలో ధర 2,55,000 రూపాయలుగా ట్రేడ్ అవుతుంది.