నేడు ఢిల్లీకి రేవంత్ రెడ్డి

తెలంగాణ ప్రదేశ్ కాంగ్రెస్ అధ్యక్షుడు రేవంత్ రెడ్డి నేడు ఢిల్లీ వెళ్లనున్నారు. రాష్ట్ర పార్టీలో జరుగుతున్న పరిణామాల గురించి ఆయన హైకమాండ్ కు వివరించనున్నారు. ఈరోజు రేవంత్ పార్టీ ఇన్ ఛార్జి మాణికం ఠాగూర్ ను కలవనున్నారు. ఇటీవల రేవంత్ రెడ్డి నాయకత్వాన్ని వ్యతిరేకిస్తూ అసంతృప్త నేతలు సమావేశాలు ఏర్పాటు చేసిన సంగతి తెలిసిందే. ప్రధానంగా వి.హనుమంతరావు, జగ్గారెడ్డి, మర్రి శశిధర్ రెడ్డి, కోమటిరెడ్డి రాజగోపాల్ రెడ్డి వంటి నేతలు పార్టీ వ్యతిరేక కార్యకలాపాలకు పాల్పడుతున్నారని రేవంత్ అధినాయకత్వానికి ఫిర్యాదు చేయనున్నారు.