ఉత్తమ్ కు ఢిల్లీ నుంచి పిలుపు.. హుటాహుటిన బయలుదేరిన మంత్రి

తెలంగాణ మంత్రి ఉత్తమ్ కుమార్ రెడ్డి హుటాహుటిన ఢిల్లీకి బయలుదేరి వెళ్లారు. అధినాయకత్వం పిలుపు మేరకు ఉత్తమ్ కుమార్ రెడ్డి ఢిల్లీకి వెళ్లారు. గత రెండు రోజులుగా ముఖ్యమంత్రి రేవంత్ రెడ్డి ఢిల్లీలోనే ఉన్నారు. అధినాయకత్వంతో భేటీ అయ్యేందుకు ఢిల్లీకి వెళ్లిన రేవంత్ రెడ్డి మంత్రి వర్గ విస్తరణలో లభించిన ముగ్గురు మంత్రులకు శాఖల కేటాయింపుపై చర్చలు జరిపారు. నిన్నటి నుంచి పార్టీ ముఖ్య నేతలతో రాహుల్ గాంధీ సమావేశాలు కొనసాగుతున్నాయి. ఉత్తమ్ కుమార్ రెడ్డిని కూడా ఢిల్లీకి అధినాయకత్వం పిలవడంతో ఢిల్లీలో ఏం జరుగుతుందన్న దానిపై చర్చ జరుగుతుంది.