Telangana : వచ్చే నెల రెండున తెలంగాణకు రాహుల్

జిల్లా కాంగ్రెస్‌ కమిటీ అధ్యక్షులకు వికారాబాద్‌లో నిర్వహిస్తున్న శిక్షణ శిబిరానికి వచ్చే నెల 2న ఆ పార్టీ అగ్రనేత రాహుల్‌గాంధీ హాజరు కానున్నారు. ఆయన పర్యటన ఖరారైనట్లు పీసీసీ అధ్యక్షుడు మహేశ్‌కుమార్‌గౌడ్‌ తెలిపారు. డీసీసీ అధ్యక్షులను ఉద్దేశించి రాహుల్‌గాంధీ ప్రసంగిస్తారని, క్షేత్రస్థాయిలో పార్టీ బలోపేతానికి దిశానిర్దేశం చేస్తారని వివరించారు. సమావేశంలో ముఖ్యమంత్రి రేవంత్‌రెడ్డి కూడా పాల్గొంటారని తెలిపారు.