మంత్రి కేటీఆర్ కు థ్యాంక్స్ చెబుతూ ప్రభాస్ స్పెషల్ వీడియో
ఫార్ములా ఈ రేస్ హైదరాబాద్ లో జరుగుతుండడం చాలా గర్వంగా ఉంది. దీని కోసం కృషి చేసిన మంత్రి కేటీఆర్, తెలంగాణ ప్రభుత్వం..
prabhas special thanks to ktr, formula e race in hyderabad
బ్యాక్ టు బ్యాక్ పాన్ ఇండియా సినిమాల షూటింగ్ లతో.. రెబల్ స్టార్ ప్రభాస్ ఫుల్ బిజీగా ఉన్నాడు. ఇటీవల ఆహా లో ప్రసారమైన అన్ స్టాపబుల్ 2 షో లో ప్రభాస్ కనిపించడంతో అభిమానులు ఫుల్ కుష్ అయ్యారు. సోషల్ మీడియాలో మిలియన్లకొద్దీ ఫాలోవర్స్ ఉన్నా.. పెద్దగా కనిపించని ప్రభాస్.. తాజాగా ఓ థ్యాంక్యూ వీడియోతో ప్రేక్షకుల ముందుకి వచ్చాడు. తెలంగాణ మంత్రి కేటీఆర్‌కు థాంక్స్ చెబుతూ ప్రభాస్ ఒక వీడియో రిలీజ్ చేశాడు. ఎందుకంటే.. ఫిబ్రవరి 11న హైదరాబాద్ లో ‘ఫార్ములా ఈ రేస్’ జరగబోతోంది. ఈ గ్లోబల్ ఈవెంట్ ని హైదరాబాద్ వేదికగా నిర్వహిస్తున్నందుకు ప్రభాస్.. కేటీఆర్ కు కృతజ్ఞతలు తెలిపాడు.
"ఫార్ములా ఈ రేస్ హైదరాబాద్ లో జరుగుతుండడం చాలా గర్వంగా ఉంది. దీని కోసం కృషి చేసిన మంత్రి కేటీఆర్, తెలంగాణ ప్రభుత్వం, గ్రీన్ కో కంపెనీ సిఈవో అనిల్ చలం శెట్టికి ప్రభాస్ థాంక్యూ. ఈ ఈవెంట్ ని చరిత్రలో నిలిచిపోయేలా నిర్వహించాలి." అంటూ ప్రభాస్ ఓ వీడియోని తన ఇన్ స్టాగ్రామ్ ఖాతాలో పోస్ట్ చేశాడు. ఈ వీడియో ప్రస్తుతం నెట్టింట వైరలవుతోంది. ఫిబ్రవరి 11న జరిగే ఈ ఈవెంట్ కు సంబంధించిన టికెట్లను బుక్ మై షో యాప్ ద్వారా కొనుగోలు చేయవచ్చు. టికెట్ ధరలు.. రూ.1000, రూ.3500, రూ.6000, రూ.10000 గా ఉన్నాయి. కాగా..ప్రభాస్ ప్రస్తుతం ప్రశాంత్ నీల్ దర్శకత్వంలో సలార్ సినిమా షూటింగ్ లో పాల్గొంటున్నాయి.