దమ్ముంటే ఆ ఎమ్మెల్యేల పేర్లు చెప్పు : కోమటిరెడ్డి వెంకటరెడ్డి

కేసీఆర్ కు దమ్ముంటే వాళ్లతో టచ్ లో ఉన్న ఎమ్మెల్యేల పేర్లు చెప్పాలని మంత్రి కోమటిరెడ్డి వెంకటరెడ్డి అన్నారు. కేసీఆర్ పూర్తిగా నిరాశ నిస్పృహలో కూరుకుపోయి అనవసర ఆరోపణలు చేస్తున్నారన్నారు. తమ పార్టీలో షిండేలు ఎవరూ లేరన్న కోమటిరెడ్డి వెంకటరెడ్డి తాము అంతాకలసి ఉన్నామని తెలిపారు. కేసీఆర్ కేవలం ఈ ఎన్నికలలో విజయం సాధించేందుకు ఏదో ఒక ఆరోపణ చేస్తున్నారన్నారు. కేసీఆర్ గురించి మాట్లాడుకోవడం వేస్ట్ అని, తమ లక్ష్యం ఎన్డేఏ మాత్రమేనని కోమటిరెడ్డి వెంకటరెడ్డి అన్నారు. కేసీఆర్ కు ఎంత పెద్ద శిక్ష వేసినా తప్పులేదన్నారు. కాళేశ్వరం నుంచి లిక్కర్ వరకూ అంతా అవినీతి చేశారన్నారు. కేసీఆర్ పాలనలో ఖజానా మొత్తం ఖాళీ అయిందని, ఉద్యోగులకు ఒకటోతేదీ జీతాలు వచ్చేవి కావన్నారు.