సోషల్ స్టార్టప్ ఎక్స్‌పోను ప్రారంభించిన పరిశ్రమల శాఖ మంత్రి శ్రీధర్ బాబు
మేడ్చల్ జిల్లా కీసర మండలం రాంపల్లి దయార గ్రామంలో ప్రతిష్ఠాత్మకంగా
మేడ్చల్ జిల్లా కీసర మండలం రాంపల్లి దయార గ్రామంలో ప్రతిష్ఠాత్మకంగా నిర్వహిస్తున్న బాలవికాస- తెలంగాణ స్టేట్ ఇన్నోవేషన్ సెల్ (TSIC) కార్యక్రమానికి ముఖ్య అతిథిగా పరిశ్రమల శాఖ మంత్రి డి శ్రీధర్ బాబు హాజరయ్యారు. ఈ సందర్భంగా మంత్రి డి.శ్రీధర్ బాబు మాట్లాడుతూ ప్రభుత్వం త్వరలో కొత్త ఎంఎస్‌ఎంఇ పాలసీని తీసుకురాబోతోందని తెలిపారు. రాబోయే సంవత్సరాల్లో తెలంగాణను సోషల్ ఎంటర్‌ప్రెన్యూర్‌షిప్‌కు రాజధానిగా మార్చే లక్ష్యంపై దృష్టి సారిస్తుందని చెప్పారు. రాష్ట్రంలో సోషల్ ఎంటర్ప్రెన్యూర్షిప్ మరింత అభివృద్ధి చెందాలని సూచించారు. వీటిని ప్రోత్సహించడానికి టీహబ్‌, వీహబ్‌లను ఏర్పాటు చేసినట్లు తెలిపారు. రాష్ట్రంలో బాలవికాస స్వచ్ఛంద సంస్థ సేవలు అభినందనీయమని, స్టార్టప్‌ల ప్రోత్సాహానికి బాలవికాస చేపడుతున్న ఈ ఎక్స్‌పో ఎంతో మేలుచేస్తుందని ఐటీ మంత్రి శ్రీధర్‌బాబు తెలిపారు.