గూగుల్ న్యూస్ ఇన్షియేటివ్ ఆధ్వర్యంలో డేటా డైలాగ్ వర్క్ షాప్

గూగుల్ న్యూస్ ఇన్షియేటివ్ ఇండియా ఆధ్వర్యంలో.. శనివారం హైదరాబాద్ లోని సెయింట్ ఫ్రాన్సిస్ కళాశాలలో డేటా డైలాగ్ వర్క్ షాప్ నిర్వహించారు. ఈ వర్క్ షాప్ లో.. డిజిటల్ యుగంలో వచ్చే..సాంకేతిక విప్లవాన్ని దృష్టిలో పెట్టుకుని మీడియా రంగంలో వస్తున్న మార్పులకు అనుగుణంగా జర్నలిస్టులకు శిక్షణ ఇచ్చారు. ఈ కార్యక్రమానికి టైమ్స్ ఆఫ్‌ ఇండియా ఎడిటర్‌, ప్రముఖ సీనియర్‌ ఇన్వెస్టిగేషన్‌ జర్నలిస్ట్ ఉడుముల సుధాకర్ రెడ్డి హాజరయ్యారు. ఈ సందర్భంగా ఆయన వర్క్ షాప్ నిర్వహణ గురించి మాట్లాడుతూ.. భవిషత్‌ మీడియా రంగంలో పనిచేసే ప్రతి జర్నలిస్ట్ కు సాంకేతిక పరిజ్ఞానం అత్యంత కీలకంగా మారతున్న దశలో దేశవ్యాప్తంగా గూగుల్ వర్క్‌షాప్‌ నిర్వహించడం శుభపరిణామం అన్నారు. మీడియా రంగంలో పనిచేస్తున్న జర్నలిస్టులకు ఈ వర్క్ షాప్ ఎంతగానో ఉపయోగపడుతుందన్నారు. ఈ అవకాశాన్ని అందరూ సద్వినియోగం చేసుకుని, తమ స్కిల్స్ ను మరింత డెవలప్ చేసుకోవాలని సూచించారు.