Singareni : సింగరేణి ఎన్నికల్లో అధికార పార్టీకి షాక్.. సీపీఐ అనుబంధ సంస్థదే విజయం

నిన్న పదకొండు ఏరియాల్లో జరిగిన ఈ గుర్తింపు ఎన్నికల్లో 39,773 మంది కార్మికులు తమ ఓటు హక్కును వినియోగించుకున్నారు. నక్షత్రం గుర్తున్న ఏఐటీయూసీ వైపు కార్మికులు నిలిచారు. బెల్లంపల్లి, మందమర్రి, శ్రీరాంపూర్, రామగుండం -1, రామగుండం -2, రామగుండం -3 ప్రాంతాల్లో ఏఐటీయూసీకే ఆధిక్యత లభించింది. గత రెండు దఫాలుగా అంటే 2012, 2017లో జరిగిన ఎననికల్లో బీఆర్ఎస్ అనుబంధ కార్మిక సంఘం టీజీబీకేఎస్ గెలిచింది. ఈసారి ఎక్కడా కూడా దాని ఊసే లేదు. కార్మికులు ఆ సంఘాన్ని పట్టించుకోలేదు. ఈ సంఘానికి మాజీ ముఖ్యమంత్రి కేసీఆర్ కుమార్తె కల్వకుంట్ల కవిత గౌరవాధ్యక్షురాలిగా వ్యవహరిస్తున్నారు.