రాజకీయాల్లోకి చికోటి ప్రవీణ్.. ఏ పార్టీ వైపు వెళుతున్నారో?

తెలుగు రాష్ట్రాలలోని పలువురు వ్యాపారవేత్తలను విదేశాలకు తీసుకుని వెళ్లి గ్యాంబ్లింగ్ ఆడించడం దగ్గర నుండి.. పుట్టినరోజు నాడు కోట్లు ఖర్చు పెట్టి సెలెబ్రేషన్స్ దాకా ఎన్నో విషయాలలో ప్రవీణ్ పేరు ముందుంటుంది. ఇటీవల బోనాల పండుగ సందర్భంగా లాల్ దర్వాజా సింహవాహిని అమ్మవారి ఆలయానికి ప్రైవేట్ గన్ మెన్లతో వెళ్లిన చీకోటి ప్రవీణ్ ముందస్తు బెయిల్ దక్కించుకుని జైలుకు వెళ్లకుండా బయటపడ్డారు. థాయిలాండ్, నేపాల్ దేశాల్లో క్యాసినో వ్యవహారాల్లో కూడా చీకోటి ప్రవీణ్ పేరు వినిపించింది. ఇప్పుడు ఢిల్లీలో బీజేపీ జాతీయ ప్రధాన కార్యదర్శి బండి సంజయ్, ఉపాధ్యక్షురాలు డీ.కే. అరుణ తదితర నాయకులను కలిశారు. మరికొద్ది రోజుల్లో రాజకీయాల్లోకి చికోటి ప్రవీణ్ వచ్చే అవకాశాలు ఉన్నాయని అంటున్నారు.