Telangana : టార్గెట్ పొంగులేటి.. బీఆర్ఎస్ లక్ష్యమదేనా?

అందుకే ఈ బడ్జెట్ సమావేశాల్లో మిగిలిన మంత్రులను పక్కన పెట్టి ఒక్క పొంగులేటి శ్రీనివాసరెడ్డిని బర్త్ రఫ్ చేయాలని డిమాండ్ చేయడంతో పాటు ఉభయ సభలను స్థంభింప చేయడమే కాకుండా గవర్నర్ కు ఆయనపై ఫిర్యాదు చేశారు. మంత్రి పొంగులేటి శ్రీనివాసరెడ్డి కుమారుడికి చెందిన సంస్థ చేస్తున్న అక్రమాలను ఇందులో ప్రస్తావించారు. అంతేకాకుండా ఎన్నికలు మంత్రి పొంగులేటి కాంగ్రెస్ కు అవసరమైన నిధులను సమకూర్చడంలో మంత్రి పొంగులేటి ప్రధానమని అనుమానిస్తున్న గులాబీ పార్టీ నేతలు అందుకే ఆయనను లక్ష్యంగా చేసుకున్నారన్న టాక్ బలంగా వినపడుతుంది.

పొంగులేటి శ్రీనివాసరెడ్డి బీఆర్ఎస్ లో ఉన్నప్పుడు అప్పటి ప్రభుత్వంలో ఉన్న లోపాలను బయటకు తీస్తున్నారని కొందరంటుంటే.. పొంగులేటి అక్రమ మైనింగ్ పై హౌస్ కమిటీ వేయాలని డిమాండ్ చేస్తే కొంత తగ్గుతారని అంచనా వేస్తున్నారని కాంగ్రెస్ నేతలు చెబుతున్నారు. కేవలం అసెంబ్లీ సమావేశాలకు మాత్రమే పరిమితం కాకుండా వట్టి నాగులపల్లిలో భూ కబ్జాల నుంచి అక్రమ మైనింగ్ ల వరకూ ప్రజాక్షేత్రంలోకి వెళ్లి వివరిస్తామని కేటీఆర్ చెప్పడం మంత్రి పొంగులేటిని కంట్రోల్ చేస్తే తప్ప ప్రభుత్వం తమ విషయంలో దూకుడు తగ్గిస్తుందన్నభావన కూడా ఉండవచ్చని అన్నారు. అందుకే కారు పార్టీ నేతలు మంత్రి పొంగులేటి ఆర్థిక మూలాలను దెబ్బతీసే ప్రయత్నం చేస్తున్నారని కాంగ్రెస్ నేతలు ఆరోపిస్తున్నారు. బీఆర్ఎస్ మాత్రం ఇది టార్గెట్ కాదని, మంత్రి తో పాటు ఆయన కుమారుడు చేసే పనులను తాము బయట ప్రపంచానికి చెబుతున్నామని అంటున్నారు.