Big Breaking : బీఆర్ఎస్ సంచలన నిర్ణయం... కారు నుంచి బయటకు గెంటివేత

కల్వకుంట్ల కవితను ఇలా వదిలేస్తే పార్టీకి ఇబ్బందులు తప్పవని గ్రహించిన పార్టీ అధిష్టానం, తన తండ్రిని ప్రశంసించినప్పటికీ, నేతలపై తీవ్రమైన వ్యాఖ్యలు చేయడంతో పాటు కాళేశ్వరం ప్రాజెక్టులో అవినీతి జరిగిందని అంగీకరించడంతో కవితపై వేటు వేయడానికి నిన్నటి నుంచి సమాచాలోచనలను కేసీఆర్ చేస్తున్నారు. నిన్న సాయంత్రం నుంచి ప్రారంభమైన సమావేశాలు తెల్లవారు జాము వరకూ కొనసాగాయి. మరొకసారి ఈరోజు ఉదయం కూడా కేసీఆర్ పార్టీ నేతలతో సమావేశమై కల్వకుంట్ల కవితను పార్టీ నుంచి బహిష్కరించాలని నిర్ణయించారు.

అయితే మీడియా సమావేశంలో బీఆర్ఎస్ నేతలు ఎవరూ మాట్లాడకుండా కేవలం ప్రకటన ద్వారానే కల్వకుంట్ల కవితను పార్టీ నుంచి బయటకు పంపాలని నిర్ణయించినట్లు తెలిసింది. కేసీఆర్ తో పాటు ముఖ్యనేతలు కూడా కవిత వ్యాఖ్యలు పార్టీతో పాటు తన కుటుంబ సభ్యులను అవమానపర్చేలా ఉన్నాయని భావించారు. అందుకే కల్వకుంట్ల కవితపై సస్పెన్షన్ వేటు వేయాలని బీఆర్ఎస్ నాయకత్వం నిర్ణయించింది. అయితే కల్వకుంట్ల కవిత ఎలా స్పందిస్తారన్నది వేచి చూడాల్సి ఉంది.