KCR : నేడు మూడు చోట్ల కేసీఆర్ సభలు

బీఆర్ఎస్ అధినేత కేసీఆర్ ఈరోజు మూడు సభల్లో ప్రసంగించనున్నారు. మూడు నియోజకవర్గాల్లో పర్యటించనున్నారు. ఉమ్మడి నల్లగొండ జిల్లాలో నేడు ఆ పర్యటన కొనసాగుతుంది. ఎన్నికలకు సమయం దగ్గరపడుతున్న సమయంలో బీఆర్ఎస్ అధినేత తన ప్రచారాన్ని ఉధృతం చేశారు. ముందుగానే అభ్యర్థులను ప్రకటించిన కేసీఆర్ ప్రచారంలోనూ తనదే పైచేయి అనిపించుకునేలా ముందుకు వెళుతున్నారు. అందరికంటే ముందుగా ప్రజలను కలుసుకుని తమకు మరోసారి అవకాశమివ్వాలని కోరుతున్నారు.