దమ్ముంటే అసెంబ్లీని రద్దు చేయ్

ఉద్యమకారుడిగా ప్రశ్నిస్తే తనను పార్టీ నుంచి బయటకు వెళ్లగొట్టారని, తాను పార్టీ నుంచి వెళ్లలేదని ఈటల రాజేందర్ తెలిపారు. ఇరవై ఏళ్ల తన రాజకీయ జీవితంలో ఏ రాజకీయ నేతలు తనమీద ఇలా అనుచిత వ్యాఖ్యలు చేయలేదని ఈటల పేర్కొన్నారు. కేసీఆర్ వ్యూహం ఏంటో తనకు తెలుసునని చెప్పారు. టీఆర్ఎస్ ను బొందపెట్టడం ఖాయమని తెలిపారు. ధైర్మం లేనిది కేసీఆర్ కే నని అన్నారు. ఎన్నికలకు ఎప్పుడు వచ్చినా బీజేపీ సిద్ధంగా ఉందన్నారు. గజ్వేలు ప్రజలు కేసీఆర్ ను ఓడించేందుకు తాను సిద్ధంగా ఉన్నారని తెలిపారు. తాను వెనక్కు తగ్గేది లేదని, గజ్వేల్ లో పోటీ చేస్తానని, కేసీఆర్ ఛాలెంజ్ ను స్వీకరిస్తానని ఈటల రాజేందర్ తెలిపారు.