బిగ్ బాస్ షోను బ్యాన్ చేయాలి
బిగ్ బాస్ షోను బ్యాన్ చేయాలని భారతీయ జనతా పార్టీ ఎమ్మెల్యే రాజాసింగ్ డిమాండ్ చేశారు.
బిగ్ బాస్ షోను బ్యాన్ చేయాలని భారతీయ జనతా పార్టీ ఎమ్మెల్యే రాజాసింగ్ డిమాండ్ చేశారు. అసలు ఆ షోలో ఏం జరుగుతుందో ఎవరికీ అర్థం కావడం లేదన్నారు. యాంకర్ రవిని బయటకు పంపడంలో ఏం జరిగిందనేది తెలియాలన్నారు. హైదరాబాద్ లో ఆంధ్ర, తెలంగాణ ఫీలింగ్స్ తెచ్చి సమస్యను బిగ్ బాస్ నిర్వాహకులు సృష్టిస్తున్నారని రాజా సింగ్ మండి పడ్డారు. ఆ షోను తెలంగాణలో బ్యాన్ చేయాలని ఆయన కోరారు.
ప్రాంతీయవాదాలు తెచ్చి....
రియాల్టీ గేమ్ షో లో కంటెస్టెంట్లు శృతి మించుతున్నారని రాజాసింగ్ ఆందోళన చెందారు. నిన్న రాత్రి అన్నపూర్ణ స్టూడియో వద్ద రవి అభిమానులు గొడవ చేశారని, ఈ గొడవలకు కారణం బిగ్ బాస్ నిర్వాహకులు మాత్రమేనని చెకప్పారు. హిందూ దేవుళ్లను సయితం బిగ్ బాస్ షోలో అవమానపరుస్తున్నారని రాజా సింగ్ అన్నారు. దీనిపై కేంద్ర మంత్రికి ఫిర్యాదు చేస్తానని తెలిపారు.