చెవులు, ముక్కు, నాలుక కోసేసి.. వికారాబాద్ లో దారుణ హత్య

వికారాబాద్ జిల్లా దౌల్తాబాద్ లో ఈ హత్య వెలుగుచూసింది. ఓ వ్యక్తి చెవులు, ముక్కు, నాలుకను కోసి అతి కిరాతకంగా చంపేశారు. మృతుడిని దౌల్తాబాద్ కు చెందిన సంగేపల్లి శేఖర్ (32)గా పోలీసులు గుర్తించారు. శేఖర్ ను అదే గ్రామానికి చెందిన గోపాల్ అనే వ్యక్తి ద్విచక్రవాహనంపై తీసుకెళ్లాడని గ్రామస్తులు తెలిపారు. పాతకక్షలు, వివాహేతర సంబంధం నేపథ్యంలో శేఖర్ ను హత్యచేసి ఉంటారని పోలీసులు అనుమానిస్తున్నారు. శేఖర్ మృతదేహాన్ని పోస్టుమార్టమ్ కు తరలించి, ఘటనపై కేసు నమోదు చేసుకున్నారు. నిందితుడిగా భావిస్తున్న గోపాల్ ను అదుపులోకి తీసుకుని విచారిస్తున్నట్లు ఎస్సై రమేశ్ కుమార్ వెల్లడించారు.