అమానుషం.. లిఫ్ట్ ఇచ్చి మహిళపై అత్యాచారం

వివరాల్లోకి వెళ్తే.. జుక్మల్ వెళ్లేందుకు ఖండే బల్లూరులో ఓ మహిళ బస్సు కోసం ఎదురుచూస్తుంది. ఆ మహిళ గ్రామానికే చెందిన యువకుడు బైక్ పై గ్రామానికి వెళ్తూ.. మహిళను చూసి ఆగాడు. తనతో పాటు బైక్ పై మరో యువకుడు కూడా ఉన్నాడు. తాము గ్రామానికే వెళ్తున్నామని, బైక్ పై తీసుకెళ్తామని నమ్మించారు. తెలిసిన యువకుడే కావడంతో వాళ్లను నమ్మి బైక్ ఎక్కింది. గ్రామానికి వెళ్లే దారిలో నిర్జన ప్రదేశంలో బైక్ ఆపి మహిళపై ఇద్దరూ అత్యాచారానికి పాల్పడ్డారు. అక్కడే మహిళను వదిలేసి పరారయ్యారు. కాసేపటికి తేరుకున్న బాధితురాలు స్థానికుల సహాయంతో ఇంటికి చేరింది. జరిగిన విషయాన్ని ఇంట్లో వాళ్లకు చెప్పి.. పోలీసులకు ఫిర్యాదు చేసింది. మహిళ ఫిర్యాదుపై కేసు నమోదు చేసుకున్న పోలీసులు.. నిందితులను త్వరలోనే పట్టుకుని కోర్టులో హాజరు పరుస్తామని తెలిపారు.