విశాఖలో యువతి అనుమానాస్పద మృతి

విశాఖ జిల్లాలో ఓ యువతి అనుమానాస్పద స్థితిలో మృతి చెందింది. వివరాల్లోకి వెళితే.. విశాఖ జిల్లా ఆనందపురానికి చెందిన ఓ యువతి రెండ్రోజుల క్రితం అదృశ్యమయింది. ఆమె కుటుంబ సభ్యుల ఫిర్యాదుతో గాలింపు చర్యలు చేపట్టిన పోలీసులకు ఆదివారం సింహాచలం సమీపంలోని భైరవవాక దగ్గర్లో పాడుపడిన బావిలో యువతి శవమై కనిపించింది. మృతదేహాన్ని బయటకు తీయించి పోస్టుమార్టానికి పంపారు. అనుమానాస్పద మృతిగా కేసు నమోదు చేసుకున్న పోలీసులు.. యువతి మృతికి గల కారణాలు తెలుసుకునేందుకు వివిధ కోణాల్లో దర్యాప్తు చేస్తున్నారు.