గొంతునులిమి, గోడకేసి కొట్టి, యాసిడ్ పోసి.. చిన్నారిపై దాష్టీకం

తాజాగా ఆరేళ్ల చిన్నారిని అతి దారుణంగా చంపేశారు ఇద్దరు టీనేజర్లు. ఈ దారుణ ఘటన ఉత్తరప్రదేశ్ లోని మహారాజ్ గంజ్ జిల్లాలో జరిగింది. ఇంటిముందు మ్యాగీ తింటున్న చిన్నారిని టీనేజర్లు ఎత్తుకెళ్లి ఈ దారుణానికి ఒడిగట్టారు. బాలిక కనిపించకపోవడంతో.. పోలీసులకు ఫిర్యాదు చేయగా.. బుధవారం గ్రామంలోని రెండిళ్ల మధ్య మృతదేహాన్ని గుర్తించారు. చివరిసారిగా ఆ బాలికను ఇద్దరు టీనేజర్లతో చూసినట్లు కొందరు చెప్పడంతో.. ఆ ఇద్దరినీ అదుపులోకి తీసుకుని ప్రశ్నించారు. ఆ చిన్నారిపై అత్యాచారం చేసేందుకు ప్రయత్నించగా.. ఆమె ప్రతిఘటించడంతో.. గొంతునులిమి, గోడకేసి కొట్టి చంపేసినట్లు నేరం అంగీకరించారు.

చిన్నారి హత్యానంతరం.. మృతదేహాన్ని నిందితుల్లోని ఒకరి ఇంట్లో ఉన్న పూజగదిలో దాచిపెట్టారు. ఆ తర్వాత చిన్నారిని గుర్తుపట్టకుండా ఉండేదుకు ఆమె ముఖంపై యాసిడ్ పోసి, అర్థరాత్రి వేళ మృతదేహాన్ని బయటకు తీసుకొచ్చి వీధిలో పడేశారని పోలీసులు తెలిపారు. మృతదేహాన్ని పోస్టుమార్టమ్ కు పంపి, నిందితులను అరెస్ట్ చేసినట్లు వెల్లడించారు.