Gold Price Today : మళ్లీ షాకిచ్చిన గోల్డ్ ధరలు.. ఇక ఆగేటట్లు లేవుగా?

బంగారం ధరలు మరింత పైపైకి వెళ్లే అవకాశముందని ముందు నుంచే మార్కెట్ నిపుణులు హెచ్చరిస్తున్నారు. అందుకే ధరలు తగ్గినప్పుడే కొనుగోలు చేయాలని చెబుతున్నారు. కానీ ఇంకా ధరలు తగ్గుతాయని వేచి చూసే వారికి బంగారం ధరలు షాకిచ్చాయి. ధరలు పెరుగుతాయని ముందుగానే అంచనా వేసినట్లుగానే పెరిగి గోల్డ్ లవర్స్ కలను తుంచేశాయి. అయితే లెబనాన్ పై ఇజ్రాయిల్ దాడులు కొనసాగుతుండటం, ఇరాన్ హోర్ముజ్ జలసంధిని మూసివేయడంతో తిరిగి బంగారం ధరలు తగ్గుతాయన్న అంచనాలు వినిపిస్తున్నాయి.

పెళ్లిళ్లు, శుభకార్యాల సీజన్ నడుస్తుండటంతో బంగారం కొనుగోళ్లు ఇటీవల కాలంలో ఎక్కువయ్యాయి. ధరలతో సంబంధం లేకుండా కొనుగోలు చేస్తుండటంతో జ్యుయలరీ దుకాణాల యజమానులు కూడా ఆనందం వ్యక్తం చేస్తున్నారు. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. ఈరోజు బంగారం ధరలు పెరిగాయి. వెండి ధరల్లో కూడా పెరుగుదల కనిపించింది. 22 క్యారెట్ల పది గ్రాముల బంగారం ధర 1,41,010 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,53,830 రూపాయలుగా కొనసాగుతుంది. కిలో వెండి ధర 2,65,100 రూపాయలుగా ట్రేడ్ అవుతుంది.